لیجنڈ گلوکار عطا اللہ خان عیسی خیلوی کے صاحبزادے گلوکار سانول خان عیسی خیلوی کی میوزک انڈسٹری میں بڑی انٹری، ملکی و بین الاقوامی سطح پر بڑے میوزک پروجیکٹس مکمل، ریلیز کے لیے تیار پاکستانی فوک میوزک کو دنیا میں نمایاں پہچان دلانے والے لیجنڈ گلوکار عطا اللہ خان عیسی خیلوی کی فن موسیقی کی میراث کو آگے بڑھانے کے لیے ان کے صاحبزادے گلوکار سانول خان عیسیٰ خیلوی نے میوزک انڈسٹری میں بڑی انٹری دے دی ہے۔ حال ہی امریکہ سے پاکستان پہنچنے والے گلوکار سانول خان عیسی خیلوی نے میڈیا سے گفتگو کرتے ہوئے بتایا کہ انہوں نے بیرون ملک کئی میوزک پروجیکٹس کا آغاز کیا ہے ۔۔۔۔گانوں کی ویڈیو شوٹ مکمل کرنے وہ پاکستان آئے ہیں۔۔2025 میں میوزک لوورز کو پنجابی ، اردو اور سرائیکی زبان میں ایسے گیت سننے کو ملیں گے جو ماضی اور حال کا شاندار امتزاج ہونگے۔۔ سانول خان عیسی خیلوی کا مزید کہنا تھا کہ انہیں نے اپنے والد گلوکار عطا اللہ خان عیسی کے ساتھ بھی گانے تیار کئے ہیں۔ والد نے جس طرح فن موسیقی میں نام بنایا کوشش ہے ان کی فن گائیکی کی میراث کو شاندار انداز میں لے کر آگے بڑھوں۔
سانول خان عیسیٰ نے کہا کہ وہ بہت جلد ماہ رمضان کی مناسبت سے نعت شریف بھی ریلیز کریں گے
